Ўзбекистон Республикаси Уй-жой коммунал хизмат кўрсатиш вазири -
Ш.С. Ҳидоятов:

Республикадаги Уй-жой коммунал хизмат кўрсатиш соҳасига умумий раҳбарлик қилади ҳамда белгиланган мақсад ва вазифаларни бажаришга масъул ҳисобланади;

вазир ўз фаолиятини Ўзбекистон Республикаси Конституцияси ва Қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг Фармонлари, қарорлари ва фармойишлари, Ўзбекистон Республикаси Вазирлар Маҳкамасининг қарорлари ва фармойишлари ҳамда бошқа қонун ҳужжатларига асосланиб амалга оширади ва Вазирлар Маҳкамасининг 2017 йил 2 июндаги 340-сон қарори билан тасдиқланган “Ўзбекистон Республикаси Уй-жой коммунал хизмат кўрсатиш вазирлиги, Кўп хонадонли уй-жой фондидан фойдаланишни назорат қилиш инспекцияси ҳамда «Коммунхизмат» агентлиги тўғрисидаги низомларни тасдиқлаш ҳақида”ги Низомга асосан ташкил қилади;

вазир уй-жой коммунал хизмат кўрсатиш соҳасида давлат бошқаруви органи раҳбари ҳисобланади ва ўз фаолияти юзасидан Ўзбекистон Республикаси Вазирлар Маҳкамасига ҳисобот беради;

вазир Қорақалпоғистон Республикаси Уй-жой коммунал хизмат кўрсатиш вазирлиги, вилоятлар уй-жой коммунал хизмат кўрсатиш бошқармалари, Тошкент шаҳри Уй-жой коммунал хизмат кўрсатиш бош бошқармаси, Кўп хонадонли уй-жой фондидан фойдаланишни назорат қилиш инспекцияси, Ичимлик сувидан фойдаланишни назорат қилиш инспекцияси, «Кўп хонадонли уйларни мукаммал ва жорий таъмирлаш, иссиқлик таъминоти объектларини қуриш бўйича инжиниринг компанияси» давлат унитар корхонаси ва «Коммуналўқув» ўқув-методик маркази фаолиятини мувофиқлаштириб боради.

Вазир ўз фаолиятида:

Ўзбекистон Республикаси Конституцияси ва қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг Фармонлари, қарорлари ва фармойишлари, Ўзбекистон Республикаси Вазирлар Маҳкамасининг қарорлари ва фармойишларига ҳамда бошқа қонун ҳужжатларига амал қилади;

давлат бошқаруви органлари, маҳаллий ижро этувчи ҳокимият органлари ва бошқа ташкилотлар билан ўзаро ҳамкорлик қилади;
ўз ваколатлари доирасида қабул қилган қарорларини давлат ва хўжалик бошқаруви органлари, маҳаллий ижро этувчи ҳокимият органлари, шунингдек юридик ва жисмоний шахслар томонидан бажарилишини назорат қилади.

уй-жой коммунал хизмат кўрсатиш соҳасида ягона давлат сиёсатини юритиш ва тармоқлараро мувофиқлаштириш, кўп хонадонли уй-жой фондини сақлаш ва улардан фойдаланиш тизимини комплекс ривожлантириш ва такомиллаштириш, ичимлик сув таъминоти ва оқова сув тизимларини комплекс ривожлантириш ва модернизация қилиш, иссиқлик таъминоти тизимини комплекс ривожлантириш ва модернизация қилиш ҳамда ахборот-коммуникация технологияларини жорий этишни ташкил этади;

соҳа фаолияти масалалари ҳамда Вазирлик фаолиятининг бошқа йўналишлари бўйича қонун ва норматив-ҳуқуқий ҳужжатлар лойиҳаларини ишлаб чиқиш ва ўрнатилган тартибда Ўзбекистон Республикаси Вазирлар Маҳкамасига киритишни ташкил этади;

соҳанинг илмий-техник ва ихтисослаштирилган эксперт кенгашларини ташкил қилади ҳамда уй-жой коммунал хизмат кўрсатиш соҳасида ахборот-таҳлил ва эксперт ишларини амалга ошириш учун илмий-тадқиқот, технологик, лойиҳа-конструкторлик ташкилотлари,олий таълим муассасалари, шунингдек, олимлар ва малакали мутахассисларни, жумладан хориждан белгиланган тартибда жалб этади.

вазирликнинг бошқа таркибий бўлинмалари билан ҳамкорликда уй-жой коммунал хизмат кўрсатиш соҳасига хорижий капитални жалб қилиш сиёсатининг ишлаб чиқилиши, амалга оширилиши ҳамда чет эл инвестицияларининг жалб этилишини ташкил этади ва назорат килади;

конун ҳужжатларига мувофиқ, соҳада бошқарувнинг ташкилий тузилмасини такомиллаштириш бўйича таклифларни ишлаб чиқади ва белгиланган тартибда жорий этади;

тизимдаги давлат корхоналари, ташкилот ва муассасалар ишига бевосита раҳбарлик қилади, улар фаолиятининг асосий йўналишларини белгилайди, ташкил этиш, қайта ташкил этиш ҳамда тугатиш тўғрисида ўрнатилган тартибда қарор қабул қилади, раҳбарларни ўрнатилган тартибда лавозимга тайинлайди ва эгаллаб турган лавозимидан озод қилади, раҳбар кадрлар захирасини шакллантириш ҳамда уларни тайёрлаш ишларини назорат қилади;

фавқулодда ҳолатларда (ҳарбий ҳаракатлар, зилзила, сув тошқинлари, ёнғин, эпидемия ва бошқаларда) уй-жой коммунал хизмат кўрсатиш соҳасининг ҳар қандай объектидан фойдаланиш, уларнинг фаолият юритишини чеклаш ёки тўхтатиш, шунингдек, уй-жой коммунал хизмат кўрсатиш соҳаси объектларини марказлаштирилган тарзда бошқаришнинг устуворликларини белгилайди;

уй-жой коммунал хизмат кўрсатиш соҳасида кадрларни тайёрлаш, қайта тайёрлаш ва малакасини ошириш бўйича дастурларни ишлаб чиқишни ташкил этади, қонун ҳужжатлари ва норматив-ҳуқуқий базани янада такомиллаштиришни мувофиқлаштиради, соҳадаги кадрларга бўлган эҳтиёжни шакллантиради;

вазирлик ва унинг ташкилий тузилмасига кирувчи ташкилот ва муассасаларда маънавий-маърифий соҳага, шунингдек давлат тилига оид қонун ҳужжатларига риоя этилиши борасидаги ишларни назорат қилади;

вазирликнинг Маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалаларига масъул маслаҳатчиси, Уй-жой коммунал хизмат кўрсатиш соҳасида иқтисодиёт бошқармаси, Комплаенс-назорат ва ички аудит бўлими, Коммунал соҳани ислоҳотлаштириш бўлими, Ишлар бошқармаси, Халқаро алоқалар билан ишлаш бўлими, Бухгалтерия, Биринчи бўлим, Ахборот хизмати, Йиғма ахборот - таҳлил бошқармаси, Юридик бўлим, Ижро назорати бошқармаси, Жисмоний ва юридик шахслар мурожаатлари билан ишлаш бўлими, Инсон ресурслари билан ишлаш бошқармаси ҳамда Ахборот-коммуникация технологиялари ва ахборот хавфсизлиги бўлими фаолиятини назорат килади;

ўз ўринбосарларининг ваколатларини белгилайди, улар ўртасида вазифаларни тақсимлайди, ҳудудий бўлинмалар, вазирликнинг ташкилий тузилмасига кирувчи ташкилотлар мансабдор шахслари ваколатларини белгилайди;

вазирлик ходимлари ҳамда вазирликнинг ташкилий тузилмасига кирувчи ташкилотлар томонидан бажариш учун мажбурий бўлган буйруқлар чиқаради ва кўрсатмалар беради;

зарурат бўлганда, вазирлик марказий аппарати ва ҳудудий бўлинмалари тузилмасига бошқарув ходимларининг белгиланган умумий сони доирасида ўзгартиришлар киритиш ҳуқуқига эга;

марказий аппарат, ҳудудий бўлинмалар штатлар жадвалини, шунингдек Ўзбекистон Республикаси Молия вазирлиги билан келишган ҳолда марказий аппарат ва вазирликнинг ҳудудий бўлинмалари, вазирликнинг ташкилий тузилмасига кирадиган ва Ўзбекистон Республикаси Давлат бюджети маблағлари ҳисобига молиялаштириладиган ташкилотлар харажатлари сметасини тасдиқлайди;

вазирлик бошқармалари, бўлимлари ва ҳудудий бўлинмалари тўғрисидаги низомларни, шунингдек вазирликнинг ташкилий тузилмасига кирувчи ташкилотлар уставларини (низомларини) белгиланган тартибда тасдиқлайди;

вазирлик марказий аппарати ва ҳудудий бўлинмалари, вазирликнинг ташкилий тузилмасига кирувчи ташкилотлар ходимларини рағбатлантириш ва интизомий жавобгарликка тортиш масалаларини ҳал қилади, тармоқ ходимларини белгиланган тартибда кўкрак нишонлари билан тақдирлайди, вазирлик тизимининг алоҳида ўрнак кўрсатган ходимларини Ўзбекистон Республикасининг фахрий унвонлари ва давлат мукофотлари билан тақдирлашга тақдим этади;

вазирлик ва ҳудудий бўлинмалари мол-мулкини қонун ҳужжатларида белгиланган тартибда тасарруф этади;

вазирлик марказий аппаратида ва унинг ҳудудий бўлинмаларида, вазирликнинг ташкилий тузилмасига кирувчи ташкилотларда ижро интизомини мустаҳкамлаш ишларини мувофиқлаштиради;

вазирлик ваколати доирасидаги масалалар бўйича жисмоний ва юридик шахсларнинг мурожаатлари тўғрисида қонун ҳужжатларини ижро этиш, электрон ҳужжат айланиши тизимини кенг жорий этиш ва улардан самарали фойдаланиш, юридик ва жисмоний шахсларнинг тушган мурожаатлари бўйича, уларнинг кўриб чиқилиши натижаларини ҳисобга олган ҳолда, маълумотлар базасини шакллантиришга доир ишларни назорат қилади ва мувофиқлаштиради;

вазирлик ваколати доирасидаги масалалар бўйича Ўзбекистон Республикасининг халқаро шартномаларини белгиланган тартибда имзолайди.

Вазир қонун ҳужжатларига мувофиқ бошқа ваколатларни ҳам амалга ошириши мумкин.

Соҳага юкланган вазифаларнинг бажарилишини ташкил этиш учун шахсан масъул ҳамда Уй-жой коммунал хизмат кўрсатиш вазирлигининг марказий аппарати бошқармалари, бўлимлари ва ҳудудий бошқармалари, вазирлик тизимидаги акциядорлик компаниялари ва жамиятлари, корхоналар, муассасалар ва ташкилотлардаги ишларнинг ҳолати учун жавобгар ҳисобланади;

судларга даъво аризаси билан мурожаат қилади ва судларда иштирок этиш учун вакилларга ишончномаларни имзолайди.

Ўзбекистон Республикаси Уй-жой коммунал хизмат кўрсатиш вазирининг биринчи ўринбосари С.И.Саифназаров:

Вазирнинг биринчи ўринбосарига юкланган вазифалар ва функцияларнинг бажарилиши учун шахсан жавобгардир;

вазирнинг биринчи ўринбосари Сув таъминоти ва оқова сув тизимини ривожлантириш ҳамда ягона сиёсат олиб бориш бошқармаси ва Ижтимоий буюртмалар асосида олис ҳудудларни ичимлик ва оқова сув тизимларини ривожлантириш бошқармалари фаолиятига умумий раҳбарликни амалга оширади;

коммунал хизмат кўрсатиш соҳаси масалалари бўйича таклиф ва ҳужжатлар лойиҳаларини кўриб чиқишда давлат сиёсатининг устувор йўналишларига қатъий риоя қилинишини таъминлайди;

соҳага тегишли ҳужжатлар қабул қилингандан кейин уларни назоратга олади, ўз муддатида ва сифатли амалга оширилишини таъминлайди;

вазирликнинг бошқа таркибий бўлинмалари билан ҳамкорликда ичимлик суви таъминоти ва оқова сув хизмати тизимларидан фойдаланиш соҳасига оид йиғма ахборотларни комплекс таҳлил қилади ва Уй-жой коммунал хизмат кўрсатиш вазирига (кейинги ўринларда - вазир) Ўзбекистон Республикаси Вазирлар Маҳкамасига тақдим этиш учун тегишли маълумотларни тақдим этади;

ўз ваколатига кирадиган масалалар бўйича ахборотларни тўплайди ва умумлаштиради;

вазирлик Ҳайъати йиғилишида иштирок этади ҳамда йиғилиш учун маълумотлар ва қарорлар лойиҳасини тайёрлашда қатнашади;

вазирлик марказий аппаратининг йиғилишлари ва амалга оширилаётган ишлар муҳокамасида иштирок этади;

вазирликнинг йиллик иш режаси лойиҳасига таклифлар киритади;

вазир кўриб чиқиши учун таҳлилий-маълумотнома материаллар лойиҳаларини тайёрлайди;

ваколатига кирувчи масалалар бўйича вазирлик тузилмасидаги ташкилот ва корхоналар раҳбарлари томонидан қабул қилинган қарорларнинг бажарилишини мувофиқлаштиради ва назорат қилади;

ичимлик сув таъминоти ва оқова сув тизимини янада ривожлантиришнинг устувор йўналишларини белгилаш ва қонун ҳужжатларини такомиллаштиришга доир таклифларни ишлаб чиқишни таъминлайди;

ичимлик сув таъминоти ва оқова сув тизимини янада ривожлантиришга қаратилган давлат дастурлари ва бошқа дастурларни ишлаб чиқишга таклифлар  киритади;

аҳолининг, айниқса, қишлоқ жойларда тоза ичимлик сувидан фойдаланишини яхшилашга доир комплекс чора-тадбирларни амалга оширади;

тасдиқланадиган дастурлар доирасида вазирликнинг сув таъминоти ташкилотлари иштирокида мавжуд сув ўтказиш ҳамда оқова сув иншооти ва тармоқларини қуриш, мавжудларини модернизация ва реконструкция қилишни амалга оширади;

сув таъминоти ташкилотларининг моддий-техника базасини мустаҳкамлаш, уларни замонавий ускуналар, машина ва механизмлар, таъмирлаш-фойдаланиш ва ўлчаш техникаси билан жиҳозлашга доир комплекс чора-тадбирларни амалга оширади;

ичимлик сувни ишлаб чиқариш ва технологик жараёнлар самарадорлигини ошириш, белгиланган талабларга мувофиқ унинг сифатини таъминлаш, ишлаб чиқариш жараёнига энергия ва сувни тежайдиган технология ҳамда ускуналарни жорий қилишга қаратилган чора-тадбирларни амалга оширади;

сув таъминоти ва оқова сув тизимларини, шу жумладан
давлат-хусусий шериклик асосида бошқаришнинг бозор тамойилларига мос механизмларини жорий этади;

сув таъминоти ташкилотларининг молиявий-иқтисодий барқарорлиги, уларнинг хизматлари учун нарх белгилаш тартибини такомиллаштиришни таъминлайдиган шароитлар яратади;

ҳудудлараро сув қувурлари тармоғини ривожлантириш масаласида ягона техника сиёсатини шакллантиради ва юритади, ҳудудлараро сув қувурларини ишончли ва барқарор фаолият кўрсатишини таъминлайди, улардан самарали фойдаланишни ташкил этади;

сув таъминоти ва оқова сув объектларини ўз вақтида ишга тушириш бўйича манзилли дастурлар амалга оширилишини мувофиқлаштиради ва мониторинг қилади;

республика ҳудудида сув таъминоти ва оқова сув тизими объектларини лойиҳалаштириш, қуриш, ривожлантириш ва реконструкция қилишда ягона сиёсат юритади;

Ўзбекистон Республикаси Қурилиш вазирлигининг сув таъминоти ва оқова сув объектларини хорижий тажрибадан фойдаланиб лойиҳалаштириш, қуриш, реконструкция ва модернизация қилиш борасидаги ишларида иштирок этади;

аҳоли пунктларининг шаҳарсозлик ҳужжатларини инобатга олган ҳолда сув таъминоти ва оқова сув тизимини ривожлантиришнинг ҳудудий схемаларини ишлаб чиқади;

сув қувурлари ва оқова сув иншоотларида энергия ва ресурсни тежайдиган янги технология ҳамда ускуналарни жорий қилишга оид тавсиялар ишлаб чиқишда иштирок этади;

марказлаштирилган сув таъминоти ва оқова сув объектларини ҳар бир аҳоли пункти бўйича ва умуман, сув таъминоти ташкилотлари бўйича паспортлаштиради ҳамда паспортлаштириш натижалари асосида мунтазам янгиланадиган электрон маълумотлар базасини шакллантиради;

ичимлик сув таъминотига уланган барча тоифадаги истеъмолчилар учун замонавий ҳисобга олиш ускуналарини босқичма-босқич ўрнатиш бўйича «йўл харитаси»нинг амалга оширилишини таъминлайди;

Ўзбекистон Республикаси Геология ва минерал ресурслар давлат қўмитасининг ерости кафолатланган ичимлик сув манбалари бўйича хулосаси мавжуд бўлганда, сув таъминоти ва оқова сув объектларини қуриш, реконструкция ва модернизация қилиш бўйича лойиҳа ҳужжатлари, шунингдек, сув ресурсларидан оқилона фойдаланиш услубларини жорий қилиш, лойиҳага оид мақбул техник ечимларни қўллаш борасида техник топшириқларни ишлаб чиқади ва тасдиқлайди;

Ўзбекистон Республикаси Иқтисодий тараққиёт ва камбағалликни қисқартириш вазирлиги ва Молия вазирлиги билан келишган ҳолда, лойиҳа-қидирув ишлари, сув таъминоти ва оқова сув объектларини қуриш, реконструкция ва модернизация қилишнинг манзилли рўйхатларини тасдиқлайди;

ичимлик сув таъминоти ва оқова сув тизимларини комплекс ривожлантириш ва модернизация қилишга доир дастурларни амалга ошириш учун ажратиладиган маблағлардан самарали ва мақсадли фойдаланишни таъминлайди;

ўз ваколатлари доирасида қонун ҳужжатларига мувофиқ, бошқа вазифа ва функцияларни ҳам амалга ошириши мумкин;

коррупция ҳолатларига қарши курашиш ва уларнинг профилактикасига фаол кўмаклашади;

бошқармалар фаолиятида коррупцияга оид ҳуқуқбузарликларни ўз вақтида аниқлаш, уларга чек қўйишни таъминлайди ва уларнинг оқибатлари, уларга имкон берувчи сабаблар ва шарт-шароитларни бартараф этади;

қонун ҳужжатларига риоя этиши, ўз мансаб ёки хизмат мажбуриятларини беғаразлик билан, холисона, виждонан, одоб-ахлоқ қоидаларига риоя этган ҳолда бажариши ҳамда коррупцияга оид бирор-бир ҳуқуқбузарликни содир этишдан ёки бундай ҳуқуқбузарликларни содир этиш учун шарт-шароитлар яратадиган бошқа ҳар қандай ҳаракатлардан ўзини тийиши шарт.

Вазирнинг биринчи  ўринбосари ўз ваколати доирасида белгиланган тартибда ишлаб чиқилган ҳужжатларни имзолайди ва тасдиқлайди.

Ўзбекистон Республикаси Уй-жой коммунал хизмат кўрсатиш вазирининг Кўп хонадонли уйларни бошқариш масалалари бўйича ўринбосари Н.Т. Назиров:

Истеъмолчиларни уй-жой коммунал хизматлар билан таъминлаш даражасини ошириш, энергия тежайдиган замонавий технологияларни жорий қилишни ҳисобга олган ҳолда хизматлар сифатини яхшилашга қаратилган ижтимоий-иқтисодий ривожланиш бўйича давлат ва бошқа дастурларни ишлаб чиқишда иштирок этади;

кўп квартирали  уй-жой фондини бошқариш тизимини ислоҳ қилиш, уй-жой коммунал хизмат кўрсатиш инфратузилмасини ташкил этиш, реконструкция ва модернизация қилиш бўйича давлат сиёсатини юритади;

жойлардаги ижро ҳокимияти органлари ва фуқароларнинг ўзини ўзи бошқариш органлари билан кўп квартирали уйларнинг сақланишини таъминлаш, уй-жой коммунал хизмат кўрсатиш объектларининг барқарор ишлаши, шунингдек, уй-жой коммунал хизмат кўрсатиш соҳасини ривожлантириш истиқболлари юзасидан ўзаро ҳамкорлик қилади;

уй-жой мулкдорлари ширкатларига шартнома асосида бухгалтерлик ҳисобини юритиш, консалтинг хизматлар кўрсатиш ва уй-жой мулкдорларидан мажбурий бадаллар йиғиш хизматлари кўрсатадиган «Ягона ҳисоб-китоб маркази» ДУКлар фаолиятини мувофиқлаштиради ва ривожлантиради;

кўп квартирали уйларни бошқаришда замонавий ахборот-коммуникация технологияларини жорий этиш, кўп квартирали уйларни сақлаш билан боғлиқ харажатлар бўйича ҳисоб-китоб ишларини юритишда очиқлик ва шаффофликни таъминлаш ҳамда аҳолига янада қулай шарт-шароитлар яратиш мақсадида  «Ягона ҳисоб-китоб маркази» давлат унитар корхоналари ва уларнинг филиалларига «Обод уй» электрон дастурини жорий этишни мувофиқлаштиради;

кўп квартирали уй-жойлар мулкдорларининг мажбурий бадаллари ёки тўловлари миқдорини белгилашда харажатларнинг таркибини аниқлаш тартиби ишлаб чиқишни ташкил этади;

вазирлик ҳудудий бошқармалари таркибида ташкил этилган «Таъмирлаш-тиклаш хизмати» ДУКлар томонидан хусусий уй-жой мулкдорлари ширкатлари ёки турар-жой ва нотурар-жой мулкдорлари билан шартнома асосида кўп квартирали  уй-жой фондини ҳамда унинг атрофидаги ҳудудларни сақлаш ва фойдаланиш борасидаги тизимли ишларни самарали ташкил қилиш, кўп квартирали  уй-жой фондини мавсумий фойдаланишга ўз вақтида ва сифатли тайёрлаш, мукаммал ва жорий таъмирлаш ҳамда туташ ҳудудларни ободонлаштириш ишларини мувофиқлаштиради;

«Таъмирлаш-тиклаш хизмати» ДУКлар томонидан “Бизнес режа” ва бошқа иқтисодий кўрсаткичлар амалга оширилишини назорат қилади;

кўп квартирали  уй-жой фондини таъмирлаш, ободонлаштириш ва улардан фойдаланиш шароитларини яхшилаш бўйича дастурлар доирасида лойиҳаолди ва лойиҳа ҳужжатлари учун техник топшириқларни ишлаб чиқилишини ташкил этади;

кўп квартирали  уй-жой фондини қуриш, реконструкция қилиш ва мукаммал таъмирлаш бўйича лойиҳа-смета ҳужжатларини ишлаб чиқиш ҳамда бу борадаги ишларни амалга оширишга доир манзилли рўйхатларни шакллантиради;

кўп квартирали  уй-жой фондини таъмирлаш, ободонлаштириш ва ундан фойдаланиш шароитларини яхшилаш бўйича дастурларни амалга ошириш учун ажратиладиган маблағлардан самарали ва мақсадли фойдаланиш чораларини кўради;

кўп квартирали  уй-жой фондини таъмирлаш, ободонлаштириш ва ундан фойдаланиш шароитларини яхшилаш бўйича дастурларни амалга ошириш доирасида жалб қилинган буюртмачилар ва лойиҳа ташкилотлари ишларини мувофиқлаштиради;

ўз ваколати доирасида уй-жой муносабатлари соҳасига оид масалалар, жумладан яшаш мумкин бўлган иншоотлардан фойдаланиш қоидаларини тартибга солади;

аҳолини кўп квартирали  уйларни бошқариш ва бундай бошқарувни амалга оширадиган ташкилотларни назорат қилиш тизимининг фаолият кўрсатиши, уй-жой муносабатлари иштирокчиларининг ҳуқуқ ва мажбуриятлари тўғрисидаги ахборот билан таъминлашни ташкил этади;

кўп квартирали  уй-жой фондининг турар жой биноларини яшаш учун яроқсиз деб тан олиш тадбирларини белгиланган тартибда амалга оширади;

кўп квартирали  уй-жой фондининг авария ҳолати мониторингини олиб боришни мувофиқлаштиради;

кўп квартирали  уй-жой фондини куз-қиш даврида барқарор ишлашга тайёрлаш борасида жойлардаги ижро ҳокимияти органлари, фуқароларнинг ўзини ўзи бошқариш органлари ва уй-жой мулкдорлари ширкатлари фаолиятини мувофиқлаштиради;

тегишли дастурлар доирасида кўп квартирали уйларни таъмирлаш ва туташ ҳудудларни ободонлаштириш бўйича амалга оширилаётган ишлар юзасидан доимий назорат олиб боришни ташкил этади;

кўп квартирали уйларга хизмат кўрсатиш сифатини ошириш учун уларга
бошқарув-сервис компанияларини жалб этишга алоҳида эътибор қаратиш ҳамда янги тизимда ишлашга ўқитиш ишларини ташкил этиш, шунингдек бошқарув-сервис компаниялари фаолиятини рейтинг асосида баҳолаш тизимини жорий қилишни ташкил этади.

Ободонлаштириш соҳасида:

уй-жой коммунал хўжалиги ва ҳудудларни ободонлаштириш соҳаларига оид норматив-ҳуқуқий ва методологик ҳужжатларни таҳлил қилиш, уларни такомиллаштириш фаолиятини юритади;

қонун ижодкорлиги фаолиятида ва қонунчиликни такомиллаштириш, уй-жой коммунал хўжалиги ва ҳудудларни ободонлаштириш соҳаларига оид норматив-ҳуқуқий ҳамда методологик ҳужжатлар лойиҳаларини ишлаб чиқилишини мувофиқлаштиради;

уй-жой коммунал хўжалиги ва ҳудудларни ободонлаштириш соҳаларини бошқаришни ривожлантиришнинг замонавий шакл ва усулларини жорий қилиш, ўрганиш, таҳлил қилиш ҳамда таҳлилий материаллар тайёрлашни ташкил этади;

уй-жой коммунал хўжалиги ва ҳудудларни ободонлаштириш соҳаларида
норматив-ҳуқуқий ҳамда методологик базасини такомиллаштириш бўйича белгиланган тартибда бошқа ташкилотлар ва идоралар билан ҳамкорлик қилади;

ривожланган хорижий мамлакатларнинг илғор тажрибасини инобатга олган ҳолда
уй-жой коммунал хўжалиги ва ҳудудларни ободонлаштириш соҳаларини бошқаришни ривожлантиришнинг замонавий шакл ва усулларини жорий қилиш бўйича таклифлар тайёрлайди;

уй-жой коммунал хўжалиги ва ҳудудларни ободонлаштириш соҳаларида
норматив-ҳуқуқий ва методологик ҳужжатлар лойиҳаларини ишлаб чиқишга услубий кўмаклашиш, тушунчалар бериш, жамоатчилик ва мутахассислар фикрини ўрганишни ташкил этади;

уй-жой коммунал хўжалиги ва ҳудудларни ободонлаштириш соҳаларига оид норматив-ҳуқуқий ва методологик ҳужжатлар лойиҳаларини ишлаб чиқиш, уларга қўшимча ва ўзгартишлар киритишда иштирок этади;

уй-жой коммунал хўжалиги ва ҳудудларни ободонлаштириш соҳаларида фаолиятни тартибга соладиган норматив-ҳуқуқий ҳамда методологик ҳужжатларни белгиланган тартибда қабул қилиш юзасидан таклифлар тайёрлайди;

фойдаланувчиларнинг ободонлаштириш ахборотларига бўлган талабларидан келиб чиққан ҳолда давлат ободонлаштириш кузатувлари шаклларини такомиллаштириш бўйича таклифлар тайёрлайди;

ободонлаштириш соҳасидаги статистик кузатувлар шаклларини жорий этиш ва ҳисобот тақдим этувчи субъектларни тасдиқланган ҳисоботи шакллари тўғрисида хабардор қилиш ҳамда уларни электрон шаклда тўлдириш ва тақдим этиш бўйича тушунтиришлар беради;

ободонлаштириш соҳасидаги статистик кузатувларни ягона методологияга қатъий амал қилинган ҳолда ўтказилишини таъминлайди;

ободонлаштириш соҳаси фаолиятини янада такомиллаштириш бўйича таклифларни тайёрлаш жараёнларида тадбиркорлик субъектлари ҳамда фуқаролик жамияти вакиллари билан ҳамкорлик қилади.

Вазир ўринбосари ўз ваколати доирасида белгиланган тартибда ишлаб чиқилган ҳужжатларни имзолайди ва тасдиқлайди.

Ўзбекистон Республикаси Уй-жой коммунал хизмат кўрсатиш вазирининг Иссиқлик таъминоти тизими масалалари бўйича ўринбосари Қ.И. Турсунов:

Иссиқлик таъминоти тизими соҳасида давлат сиёсатини юритиш ва тармоқлараро мувофиқлаштиришни амалга ошириш, иссиқлик таъминоти объектлари қурилиши бўйича буюртмачи функцияларини амалга оширишда қатнашади;

иссиқлик таъминоти тизимларини аҳоли пунктларини ривожлантириш схемалари ва бош режалари билан боғлаган ҳолда ривожлантириш, модернизация ва реконструкция қилиш дастурларини ишлаб чиқиш ҳамда уларнинг сифатли бажарилишини ташкиллаштириш, мазкур соҳа ташкилотлари фаолиятини мувофиқлаштириш ва бошқарувини таъминлайди;

иссиқлик таъминоти тизимларига ресурс ва энергия тежайдиган технологиялар ҳамда ускуналарни татбиқ этиш, жумладан, уй-жой коммунал хўжалиги объектларини замонавий ҳисоблаш ўлчов асбоблари билан жиҳозлаш, иссиқлик таъминоти тизимлари соҳасида норматив-ҳуқуқий базани такомиллаштириш бўйича таклифлар тайёрлаш, ривожланган хорижий мамлакатларнинг илғор тажрибасини инобатга олган ҳолда хизмат кўрсатишнинг замонавий шакл ва усулларини ишлаб чиқиш ҳамда жорий этишда қатнашади;

иссиқлик таъминоти тизимлари соҳаси учун кадрлар тайёрлаш бўйича таклифлар киритиш, ўқув машғулотлари амалиётини чет элларда ўтказишни назарда тутган ҳолда кадрларни қайта тайёрлаш ва уларнинг малакасини оширишни ташкил этиш, замонавий ахборот-коммуникация технологиялари, дастурий маҳсулотлар, идоравий ахборот тизимлари ва маълумотлар базасини жорий этади.

Вазир ўринбосари юкланган вазифаларга мувофиқ, қуйидаги функцияларни бажаради:

маҳаллий қозонхоналарни модернизация ва реконструкция қилиш, энерготежамкор маҳаллий қозонхоналарни қуриш, жумладан гелиоқурилмаларни қўллашни ҳисобга олинган ҳолда марказий қозонхоналарни, иссиқлик тармоқларини модернизация ва реконструкция қилиш, шунингдек, хонадонлар ичида алоҳида иссиқлик таъминоти тизимларини ўрнатиш борасида республика иссиқлик таъминотини ривожлантириш дастурларини амалга оширади;

иссиқлик таъминоти тизимида, жумладан қайта тикланадиган энергия манбаларидан фойдаланиб, энергия ва ресурсни тежайдиган янги технология ва ускуналарни жорий қилиш бўйича комплекс тадбирларни амалга оширади;

кўп хонадонли уйлар, ижтимоий ва бошқа объектларда энергия самарадорлиги юқори маҳаллий қозонхоналар қуриш, шунингдек, кўп хонадонли уйларнинг хонадонлар ичида алоҳида иссиқлик таъминоти тизимларини ўрнатиш орқали марказлаштирилмаган иссиқлик таъминоти тизимини ривожлантириш чораларини кўради;

жисмонан ва маънан эскирган, самарадорлиги паст қозонхона агрегатлари, насос ускуналари, ишдан чиққан магистрал ва тақсимлаш иссиқлик тармоқларини модернизация ва реконструкция қилиш ҳамда алмаштириш бўйича таклифлар ишлаб чиқади;

энергия ресурсларини ишлаб чиқариш ва истеъмол қилишни норматив ҳисобга олишни йўлга қўйиш, абонентларни, иссиқлик таъминоти хизматлари учун келиб тушадиган маблағлар ва тўловларни рақамлаштирилган ҳисобга олиш тизимини жорий қилиш тадбирларини амалга оширади;

иссиқлик таъминоти тизимида ноишлаб чиқариш харажатлари ошишига йўл қўймаслик ва иссиқлик энергиясини етказиб бериш, тақсимлаш ҳамда истеъмол қилишда меъёрдан ортиқ йўқотишларни камайтириш ҳисобидан сарф-харажатларни қисқартиришга йўналтирилган ягона техник ва тариф сиёсатини амалга оширади;

марказий қозонхоналар, иссиқлик тармоқларини модернизация ва реконструкция қилиш бўйича лойиҳаолди ва лойиҳа ҳужжатларини ҳамда маҳаллий қозонхоналарни модернизация, реконструкция қилиш ва қуришга доир лойиҳа-смета ҳужжатларини ишлаб чиқиш ҳамда экспертизадан ўтказиш соҳасида ихтисослаштирилган лойиҳа ташкилотлари билан ўзаро ҳамкорликни таъминлайди;

Республика ҳудудида энергия самарадорлиги юқори маҳаллий қозонхоналар, хонадонлар ичида алоҳида иссиқлик таъминоти тизимлари, шунингдек, қуёш коллекторлари (гелиоқурилмалар) ишлаб чиқаришни ташкил қилиш ва фойдаланишга жорий этиш бўйича таклифлар тайёрлайди;

ҳамкорликнинг турли шакллари, чунончи, давлат-хусусий шерикликдан фойдаланган ҳолда, янги бошқарув услубларини ишлаб чиқади ва иссиқлик таъминоти тизимига жорий этишни таъминлайди;

иссиқлик таъминоти тизими ташкилотлари фаолияти самарадорлигининг иқтисодий нормативларини (кўрсаткичларини) тасдиқлайди, иссиқлик таъминоти тизимлари соҳасида ягона иқтисодий, техник ва ҳисоб сиёсатини юритади, ташкилотлар ишлари самарадорлигини атрофлича таҳлил қилиш жараёнига методологик раҳбарлик қилади;

жисмоний шахслар, шу жумладан якка тартибдаги тадбиркорлар ва юридик шахсларнинг Вазир ўринбосари ваколатига киритилган масалаларга тааллуқли мурожаатларини (таклифлари, аризалари ва шикоятларини) қонунчиликда белгиланган тартибда кўриб чиқади ва зарур чоралар кўради, жисмоний ва юридик шахсларни қабул қилади, ўз ваколати доирасида уларнинг мурожаатлари билан боғлиқ ишлар ҳолатини таҳлил қилади, аҳоли билан яшаш жойида ишлашни ташкил қилади;

комплексда меҳнат муҳофазаси ва техника хавфсизлигини таъминлаш, кўнгилсиз ҳолатлар, авария ва ёнғинларнинг олдини олиш тадбирлари бажарилишини мувофиқлаштиради;

иссиқлик таъминоти тизимлари корхоналарида ахборот-коммуникация технологияларидан фойдаланишни кенгайтиради ва ривожлантириш бўйича
чора-тадбирларни амалга оширади;

иссиқлик таъминоти тизимлари соҳасида тармоқ дастурий маҳсулотлари, идоравий ахборот тизимлари ва маълумотлар базасини ишлаб чиқишни ташкиллаштиради;

комплекснинг кадрларини тайёрлаш, қайта тайёрлаш ва малакасини ошириш ҳамда хорижий мамлакатларда ўқув амалиётларини ўтказиш юзасидан эҳтиёжларни ўрганади ва таклифлар киритади;

комплексдаги лавозимлар учун кадрлар захирасини шакллантириш
чора-тадбирларини амалга оширади;

«Коммуналўқув» ўқув-методик маркази» ДУКда иссиқлик таъминоти тизимлари ходимларини малакасини ошириш юзасидан тегишли чораларни амалга оширади;

белгиланган тартибда иссиқлик таъминоти тизимлари соҳасида меъёрий-ҳуқуқий ҳужжатлар лойиҳаларини ишлаб чиқади;

иссиқлик таъминоти тизимлари соҳасида илмий-тадқиқот ва тажриба-конструкторлик ишлари дастурлари, шунингдек, янги турдаги маҳсулотларни ўзлаштириш бўйича айрим лойиҳаларни белгиланган тартибда ишлаб чиқади ва келишади;

ўз ваколати доирасида иссиқлик таъминоти тизимлари соҳасида ҳисобга олиш, мониторинг қилиш ва ҳисобдорликни амалга ошириш учун намунавий ҳужжатларни (формулярлар, реестрлар, далолатномалар ва бошқаларни) белгиланган тартибда ишлаб чиқади ва келишади;

иссиқлик таъминоти тизимлари соҳасида халқаро илмий-техник ҳамкорликни ривожлантириш тадбирларини белгиланган тартибда ишлаб чиқади ва амалга оширади;

иссиқлик таъминоти тизимлари соҳасида энг яхши хорижий бошқарув, техник хизмат кўрсатиш амалиёти ва янги технологияларни жорий қилиш билан танишиш мақсадида тажриба алмашиш тадбирларини ишлаб чиқади;

иссиқлик таъминоти тизимлари соҳасида устувор лойиҳаларни амалга ошириш учун халқаро ва хорижий ҳукумат молия институтларидан техник, гуманитар, беғараз ва бошқа ёрдам олишни ишлаб чиқиш жараёнида иштирок этади;

комплексдаги ташкилотларнинг моддий-техника базасини яхшилаш чораларини кўради.

Вазир ўринбосарига қонунчиликка мувофиқ бошқа функциялар ҳам юкланиши мумкин.

Вазир ўринбосари юкланган вазифа ва функцияларни бевосита, шунингдек Комплекси орқали ҳал этади.

Вазир ўринбосари ўз ваколати доирасида белгиланган тартибда ишлаб чиқилган хужжатларни имзолайди ва тасдиқлайди.